Нооруз майрамы. Бишкектин борбору 5 күнгө жабыла турганын мэрия билдирди
Жарандарга буга түшүнүү менен мамиле кылуусун суранабыз
Бишкектин Ала-Тоо аянтында Нооруз майрамын белгилөөгө байланыштуу 18-мартта саат 22.00дөн 23-марттын 00.00гө чейин Чүй проспектисинин Панфилов көчөсүнөн Эркиндик бульварына чейинки бөлүгү жабылат. Бул тууралуу мэриядан кабарлашты
Мындан тышкары, төмөнкү көчөлөр бөгөттөлөт:
- Раззаков көчөсү Абдымомунов көчөсүнөн Чүй проспектисине чейин;
- Орозбеков көчөсү Абдымомунов көчөсүнөн Чүй проспектисине чейин.
«Бишкек шаарынын мэриясы келтирилген убактылуу ыңгайсыздыктар үчүн кечирим сурайт жана жол кыймылынын катышуучулары бул аргасыз чаранын киргизилишин түшүнөт деп үмүттөнөт», — деп билдирди муниципалитет.
Эскерте кетсек, буга чейин 20-21-март күндөрү Бишкектин көчөлөрү жабыла тургандыгы тууралуу Патрулдук милиция башкармалыгы маалымат берген.
Сүрөт: www