Бишкекте дайынсыз болуп жаткан 14 жаштагы мектеп окуучусу табылды
Милицияга баланын апасы 9-апрелде кайрылган
Бишкекте мурда дайынсыз болуп жаткан 14 жаштагы өспүрүм табылганын Свердлов райондук ички иштер башкармалыгынын басма сөз кызматы билдирди.
9-апрелде мектеп окуучусунун апасы милицияга кайрылган. Ал ошол күнү уулу Аламүдүн-1 кичи районундагы үйдөн чыгып кеткен боюнча кайрылып келбегенин билдирген.
Аталган факт Свердлов районунун ички иштер бөлүмүнө катталып, издөө-иликтөө иш-чаралары башталды.
11-апрелде бала Свердлов районунан аман-эсен табылган. Ата-энелер жана окуучу менен профилактикалык баарлашуу өткөрүлдү.
Учурда окуянын бардык жагдайлары такталууда, деп кошумчалады ОИИБ.
Сүрөт ИИБнын басма сөз кызматы
Бизди Телеграм каналыбыздан окуңуз