Бишкекте жол кырсыгынын көбөйүшүнө байланыштуу 100дөн ашуун чет элдик студенттер жеткирүү кызматынан бошотулду
Скутер жана мотоциклдердин катышуусундагы кырсыктардын саны өстү
Бишкекте скутер жана мотоциклдер менен жеткирүү кызматында иштеген чет элдик студенттердин катышуусундагы жол кырсыктары көбөйдү. Бул тууралуу Бишкек шаардык ички иштер башкы башкармалыгынын басма сөз кызматы билдирди.
Милиция кызматкерлери Бишкек шаарындагы чет элдик жогорку окуу жайлардын студенттери менен алардын коопсуздугун камсыздоо максатында профилактикалык иш-чараларды жүргүзүштү.
Мындан тышкары МАИ кызматкерлери тарабынан тез жеткирүү кызматы менен түшүндүрүү иштери жүргүзүлүп, натыйжада 100дөн ашуун чет элдик студенттер жумуштан четтетилген.
Сүрөт: www
Бизди Телеграм каналыбыздан окуңуз