Акжолтой Тукунов кайрадан убактылуу кармоочу жайга киргизилди
Буга чейин райондук сот аны өлкөдөн чыкпоо тил каты менен бошоткон
26-апрелде Чүй облустук соту Аламүдүн райондук прокуратурасынын Монополияга каршы жөнгө салуу кызматынын төрагасынын мурдагы орун басары Акжолтой Тукуновго карата биринчи инстанциянын чечимине каршы арызын карады.
Тукунов 17-апрелде кармалып, убактылуу кармоочу жайга киргизилген. Милиция андан кийин ал Кыргыз Республикасы Кылмыш-жаза кодексинин 278-беренесинин 3-бөлүгү («Массалык баш аламандык, бийлик өкүлдөрүнүн мыйзамдуу талаптарына активдүү баш ийбөөгө жана массалык баш аламандыктарды уюштурууга, ошондой эле жарандарга зомбулук көрсөтүүгө чакыруу») боюнча шектелип жатканын билдирген.
Бирок Аламүдүн райондук соту Тукуновдун камалышын мыйзамсыз деп таап, аны 16-июнга чейин өлкөдөн чыкпоо тил каты менен бошоткон.
Анда райондук прокуратура биринчи инстанциянын чечимин жокко чыгаруу өтүнүчү менен облустук сотко кайрылган.
Жыйынтыгында жазык иштери жана административдик укук бузуулар жөнүндөгү иштер боюнча соттук коллегия Тукуновдун камалышын мыйзамдуу жана негиздүү деп тапты. Ал 17-июнга чейин №1 СИЗОго камалды.
Сүрөт: www