Кыргызстанда аба ырайы кескин өзгөрүп, айрым жерлерде үшүк жүрөт
Кыргызгидромет аба ырайынын бузулушу тууралуу эскертүү таратты
Кыргызстанда 24-майда жана 25-26-майда күндүз туруксуз аба ырайы күтүлөт: мезгил-мезгили менен жаан жаап, күн күркүрөшү, бийик тоолуу райондордо кар жаашы, айрым жерлерде жаан-чачын катуу жаашы күтүлөт. Бул тууралуу Кыргызгидромет билдирди.
Анын айтымында, 26-майда күндүз жана 27-майда түнкүсүн абанын температурасынын бир кыйла төмөндөшү күтүлөт. Батыштан соккон шамалдын ылдамдыгы секундасына 4-9 метрден, айрым жерлерде 17-22 метрге чейин жетет.
27-майда түнкүсүн жана эртең менен Нарын облусунун дыйканчылык аймактарында жана Ысык-Көл облусунун чыгышында 0...-2° суук болуп, үшүк жүрүшү күтүлөт.
Мындай үшүк мөмө-жемиш өсүмдүктөрүнүн гүлдөгөн бүчүрлөрүнө, гүлдөрүнө жана жумурткаларына, гүлдөгөн мөмө бадалдарына жана мөмө-жемиш өсүмдүктөрүнө кооптуу экенин Кыргызгидромет эскертет. Туруксуз аба ырайы автотранспорттун, байланыш ишканаларынын, энергетика жана коммуналдык кызматтардын ишин, жайыттарда малды кармоону кыйындатат.
Мындан тышкары, 24-26-май күндөрү туруксуз аба ырайына жана күтүлүп жаткан нөшөрлүү жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн, дарыяларда суунун деңгээли көтөрүлүшү күтүлөт.
Сүрөт: www