Казакстандык блогер бишкектик үй-бүлөгө батир, унаа белек кылып, дарылануусуна акча төлөп берди (видео)
Кыргызстандык жана анын жубайы I топтогу майыптар. Ал Казакстанда такси айдайт
Казак блогери “Маскачан адам” бишкектик бир үй-бүлөгө батир жана унаа белек кылды, ошондой эле алардын дарылануусун, жана Меккеге умрасын төлөп берди.
Кыргызстандык Мурат Казакстанда таксист болуп иштейт. Жубайы экөө I топтогу майыптар. Жубайлардын эки кызы бар.
«Мен такси айдайм, унааны ижарага алам. Мен биринчи топтогу майыпмын. Бул жерде менде кол менен башкаруу бар. Жубайым дагы биринчи топтогу майып. Куранды брайлер системасы менен окуйт. Биз бул жерде батирди ижарага алабыз. Биз балдарыбыз үчүн баарына чыдайбыз, алар жакшы билим алышсын», - деди Бишкек шаарынын тургуну блоггерге.
Мурат «Маскачан адамды» каалаган дарегине алып келгенде, ал ага конверт берип, анын ичинде жубайына, дарылануусуна жана Меккеге умрага каражат бар экенин айткан. Блогер ошондой эле кыргызстандыктарга алар келген имаратта алардын жаңы батири жайгашканын жана жанында алардын жаңы унаасы турганын айткан.