Депутат: Ноокаттагы мектепте 3-4 окуучу бир партада отурушат
Мектеп 180 окуучуга ылайыкталган, бирок анда 530 бала билим алат
Ош облусунун Ноокат районундагы Мирмахмуд айыл аймагындагы Абдулла Кадыри Орто мектебинде 3-4 окуучу бир партада отурушат. Бул тууралуу депутат Рустамбек уулу Советбек парламент жыйынында билдирди.
Анын айтымында, мектеп 180 окуучуга ылайыкталган, бирок учурда 530 бала 3 нөөмөт менен билим алууда.
«Мектеп 1994-жылы ашар жолу менен курулган. Анын тосмосу, ашканасы, актовый залы жок. Дубалдар нымдуулуктан бузулат. Бир партада 3-4 окуучу отурат. Муну мен өзүм көрдүм», - деди депутат.
Депутат ал жерге жаңы мектеп куруу маселесин кароону сунуштады.
Сүрөт: www
Бизди Телеграм каналыбыздан окуңуз