Ишкер айым лаванда фермасын ачкан, бирок жер Асман шаары үчүн алынат
Мамлекет анын фермасы жайгашкан жер Асман шаарын куруу үчүн керектелээрин билдирген
Керемет лаванда талааларын, абадагы сыйкырдуу жыт жана алыска созулган кызгылт көк гүлдөрдү элестетиңиз. Элестеткиле, бул укмуш Франциянын Прованс жеринде эмес, Кыргызстандын Ысык-Көл облусунда жайгашкан. Буга ишенүү кыйын, бирок жакында эле Борбор Азиядагы биринчи лаванда фермасы Кыргызстанда пайда болуп, иштеп жаткан.
Лаванда кыргыз дыйкандары үчүн таптакыр кызыксыз болуп келген. Өлкөдө негизинен картошка, буудай жана пияз өстүрүлөт. Бирок, Айсулуу Дүйшебаева башкача ойлогон.
40 жаштагы Айсулуу Дүйшебаева Бишкектеги ар кандай эл аралык уюмдарда Кыргызстандын айыл чарбасын өнүктүрүү менен алектенип иштеп келген. Бул жылдар аралыгында ал органикалык айыл чарба боюнча олуттуу тажрыйбага ээ болуп, көп өтпөй өз жолу менен барууну чечип, лаванда фермасын Кыргызстандын Ысык-Көл өрөөнүндө ачкан.
Бирок бүгүн ал аны өтө кайгыга батырган жаңылык укту. Мамлекет анын фермасы жайгашкан жер Асман шаарын куруу үчүн керектелээрин билдирген. Ишкер айым анын жеринин Кызыл китеби болгонуна карабастан, эч кандай кепилдик жок экенине абдан нааразы болду. Ал акыркы жылдары талаада жашап, ушул максаты, тилеги үчүн баарын таштап, ушул гүл талаасына жан дүйнөсүн арнап келгенине карабастан баары текке кеткенине абдан жаны кейүүдө.