Кыргызстандын мектеп окуучулары FISO эл аралык олимпиадасында медалдарга ээ болушту
Олимпиаданын дүйнөлүк туру Дубайда 18 өлкөнүн мектеп окуучуларынын катышуусунда өттү
Кыргызстандык мектеп окуучулары FISO эл аралык олимпиадасында 5 алтын медаль жана Бриллиант байгеге ээ болушту.
24-25-июнь күндөрү Дубайда өткөн FISO олимпиадасынын глобалдык туруна 18 өлкөдөн 417 мектеп окуучусу, анын ичинде 26 кыргызстандык катышты.
Жеңүүчүлөрдүн тизмеси:
- Байзак Эсенбаев - Бишкек шаарындагы №13 мектеп-гимназиясынын 10-классынын окуучусу - математика боюнча алтын медаль;
- Токтогул районундагы Н.Биримкулов атындагы №4 мектеп-гимназиясынын 10-классынын окуучусу Тайырбек Давлетбаев математика сабагы боюнча алтын медаль жеңип алды;
- Панфилов районундагы Э.Кожомкулов атындагы орто мектептин 10-классынын окуучусу Нурсултан Алмазов сүрөт тартуу боюнча алтын медаль жеңип алды;
- Бишкек шаарындагы “Сейтек Стем” мектебинин 9-классынын окуучусу Нурболот Биркеев математика сабагы боюнча алтын медаль жеңип алды;
- Бишкек шаарындагы «Сейтек Стем» мектебинин 9-классынын окуучусу Эламан Сражидинов математика сабагы боюнча алтын медаль жеңип алды;
- Бишкектеги Kings мектебинин 2-классынын окуучусу Шамхан Соорбеков математика боюнча “Бриллиант” сыйлыгын жеңип алды.
Белгилей кетсек, FISO (Future Intelligence Student Olympiad) Азия өлкөлөрүндөгү абдан престиждүү олимпиада болуп саналат.
Сүрөт: www