Ноокаттагы селден жабыркаган мугалимдерге акчалай жардам жана санаторияга жолдомо берилди
Т.Кулатов айыл өкмөтүндөгү селдин кесепетинен 5 мугалим жабыркаган
Ноокат районунда селдин кесепетинен жабыркаган мугалимдерге жардам көрсөтүлдү.
Билим берүү жана илим министрлигинен билдиришкендей, 28-июнда Т.Кулатов айыл өкмөтүндө сел жүрүп, 5 мугалим жабыркады.
«Жабыркагандарга Ош облусунун билим берүү кызматкерлеринин профсоюзунан 50 миң сомдон, облустагы райондук билим берүү кызматкерлеринин профсоюзунан 25 миң сомдон, ар бир мугалимге Жалал-Абад санаториясына 10 күндүк жолдомолор, жана райондук билим берүү бөлүмүнүн демилгеси менен облустагы кесиптештеринен 170 миң сом бөлүндү. Жардамдын жалпы суммасы 245 миң сомду түздү», - деп билдиришти башкармалыктан.
Сүрөт: www
Бизди Телеграм каналыбыздан окуңуз