Бишкекте аскердик кармаш уруш боюнча чемпионат өтөт
Катышуучулар төмөнкү салмак категорияларында күч сынашат
13-15-ноябрь күндөрү "Динамо" спорт комплексинде аскердик кармаш уруш боюнча Кыргыз милициясынын 100 жылдыгына карата генерал майор Эргеш Алиевдин Жаркын элесине арналган ачык чемпионат өтөт.
Дене тарбия жана спорт департаментинен билдиришкендей, мелдешке республикасынын бардык аймактарынан келген спортчулар катышат.
Жеңүүчүлөргө Спорттун олимпиадалык эмес түрлөрү боюнча дирекциясы жана аскердик кармаш уруш боюнча федерациясы тарабынан тиешелүү даражадагы дипломдор жана медалдар тапшырылат.
Катышуучулар төмөнкү салмак категорияларында күч сынашат:
эркектер: 60, 65, 70, 75, 80, 85, 90, +90 кг;
кыз-келиндер: 60, 65, 70, +70 кг.
комплекстүү жекеме-жеке урушуу: 73, 83, +83
Мелдештин программасы:
башталышы – 13-ноябрь, саат 9:00;
салтанаттуу ачылыш аземи – 13-ноябрь, саат 14:00;
финал беттештер – 15-ноябрь, саат 9:00.