Menu
RSS

Биз социалдык тармактардабыз:

TwitterFacebookYoutubeInstagram

Бишкектеги Айтматов кең көчөсүнө жер астындагы өтмөк салуу каралууда

  • 103 жолу кароо

Москва көчөсүнүн түндүк тарабындагы унаа токтоочу жерлер алынып салынууда

Бишкектин көчөлөрүндөгү жол тыгыны менен жол кыймылын жөндөө вице-мэр Азизбек Алымкулов менен өткөн жыйында талкууга алынды. Жыйында, мисалга алсак, Айтматов жана Манас кең көчөлөрүндөгү тыгындар жөнүндө да сөз кылынды.

Айтматов кең көчөсүндөгү кыймылды жеңилдетүү максатында Ала-Арча суусунан жогору, Балтагулова (Новая) көчөсү менен кесилишкен жерге жер астындагы өтмөк куруу мүмкүндүгү каралды. Бул учурда Шампанвинокомбинат жактагы жана Горький көчөсүнүн жанындагы жөө жүргүнчүлөргө арналган «зебраларды» алып салуу мүмкүн, муну менен бул райондогу унаа трафиги кыйла жеңилдей түшмөк.

Мындан сырткары, жыйында шаардын 7-апрель-Горький, 7-апрель-Чүй, жана Жибек Жолу-Фучика кесилиштеринде жол кыймылынын схемасын өзгөртүү да каралган. Бул жерлерде айланма жол кыймылы уюштурулуп, жол чырактары алынып салынат. Бул долбоор Бишкек үчүн пилоттук болушу күтүлүүдө.

Ушул жумада баштала турган реконструкциясы баштала турган Москва көчөсүнүн (Манас кең көчөсү менен Абдрахманов көчөсүнө чейин) түндүк тарабындагы унаа токточу жерлерди алып салуу сунушталды. Белгилей кетсек, Москва көчөсүндөгү кыймылдын батыш багытында унаа токтотуучу «чөнтөктөрдүн» саны көбөйөт.


Бишкек мэриясы
Фото www

 

Ой-пикир кошуңуз


Наверх