Өмүрбек Бабанов менен ЖК депутаты Мирлан Жээнчороев Москвага учуп кетишти
Президенттикке экс-талапкер Кыргызстандан канча убакытка кеткени белгисиз
«Республика» партиясынын лидери Өмүрбек Бабанов менен Жогорку Кеңештин депутаты Мирлан Жээнчороев Москвага учуп кетишти. Бул тууралуу Vesti.kg сайтына президенттикке мурдагы талапкердин үзөңгүлөштөрү маалымдады.
- Эмне максат менен жана канча убакытка кеткени белгисиз. Бирок, ал парламенттин депутаты Мирлан Жээнчороев менен кетти, - дешти Бабановдун санаалаштары.
Ал ортодо ЖКнын депутаты Руслан Казакбаев партиянын лидери өлкөнүн аймагынан чыгып, кайра кире аларын белгиледи.
- Анын учуп кеткенинде мыйзамсыз эч нерсе жок. Ага өлкөдөн чыгууга тыюу салынган эмес, - деди эл өкүлү Vesti.kg сайтына.
Зулайка Эркимбаева
Фото www
Бизди Телеграм каналыбыздан окуңуз