Ак үйдүн алдында укук коргоочу Конгантиев атындагы көчөнүн пайда болушуна каршы жалгыз нааразычылык акциясына чыкты (фото)
Активист ИИМнин экс-башчысынын кайсы эмгеги үчүн мындай сыйга татыганына айран-таң
Жарандык активист Өндүрүш Токтонасыров нааразычылык акциясына чыкты - ал борбор калаанын чет жакаларындагы көчөлөрүнүн бирине ИИМнин экс-башчысы Молдомуса Конгантиевдин ысымы ыйгарылганына кыжырданган.
Акцияны ал Ала-Тоо аянтында, Жогорку Кеңештин имаратынын алдында өткөрүүдө.
«Молдомуса Конгантиевдин кайсы сиңирген эмгеги үчүн анын атынан көчөнү аташты?!», - дейт ал.
Эске салсак, буга чейин Vesti.kg ИИМнин мурдагы башчысынын ысымы Аламүдүн районундагы көчөлөрдүн бирине берилгенин маалымдаган.
Молдомуса Конгантиев КРнын Кылмыш-жазык кодексинин «Кызматтык ыйгарым укуктарынан аша чабуу» жана «Шалаакылык» беренелеринде көрсөтүлгөн кылмыштарды жасаган деген негизде айыпталган.
2019-жылдын июль айында ал Бишкектин Биринчи май райондук соту тарабынан акталган.
Зулайка Эркимбаева
Фото www