Депутаттарга мектептеги коррупция жөнүндө айтып берип жаткан кыз алардын күлүп жибергенине ызаланып, көзүнө жаш алды(видео)
Парламент мүчөлөрүнүн реакциясын көргөндөн кийин окуучу кыз андан ары сүйлөөдөн баш тартып койгон
Кечээ, 20-ноябрда Жогорку Кеңеште депутаттар Бүткүл дүйнөлүк балдар күнүнө жана БУУнун балдардын укуктары жөнүндө Конвенциясынын 30 жылдыгынын урматына окуучулар менен жолугушту.
Жолугушуунун жүрүшүндө № 87-мектептин жаш окуучу кызы дагы сүйлөп чыккан. Ал 2 миңден ашык мектеп окуучуга бир гана мед айым тейлөө көрсөтөрүн айтып берген.
- Биздин мед айым балдарды акчага эмдейт, -деп арызданган окуучу.
Бул сөздөн кийин кээ бир депутаттар күлүп жиберишет. Муну көргөн кыз сүрдөп, көзүнө жаш алып, андан ары сөзүн улантуудан баш тартып койгон.
Гулиза Чудубаева
Фото и видео www
Бизди Телеграм каналыбыздан окуңуз