Кыргызстандын мектептери коронавируска байланыштуу карантинге жабылабы? Саламаттыкты сактоо министрлигинин жообу
Көптөгөн маданий-массалык иш-чаралар токтотулду
Кыргызстанда мектептер менен бала бакчалар коронавирус коркунучунан жабылбайт. Бул тууралуу Vesti.kg сайтына Саламаттыкты сактоо министрлигинин басма сөз кызматынан билдиришти.
- Билим берүү мекемелери ишин токтотпойт, анткени, өлкөдө коронавирус жуктуруу учуру каттала элек, -деп такташты алар.
Ал ортодо Кыргызстанда коронавирус кооптуулугунан Нооруз майрамына карата майрамдык иш-чаралар өткөрүлбөй турган болду.
Ошондой эле, Vesti.kg сайтына белгилүү болгондой Т. Сатылганов атындагы Кыргыз улуттук филармониясында өтө турган концерттер да жылдырылды.
- Мындай чечим Маданият министрлиги тарабынан кабыл алынды. Саламаттыкты сактоо министрлиги болгону коңшу мамлекеттердин тажрыйбасы менен мадания-массалык иш-чараларды чектөөнү сунуштаган.
Бүгүнкү күндө дүйнөнүн 104 өлкөсүндө коронавирус катталганы белгилүү. Жуктургандардын саны 109 миң адамдан ашат.
Фото www