Саламаттыкты сактоо министрилиги: Кыргызстанда коронавирустун жогорку чеги 20-24-апрелде күтүлүүдө
Ооруканалар менен обсервацияларда бул күндөргө кошумча орундуктар даярдалууда
Кыргызстанда коронавирустун жогорку чеги 20-апрелден 24-апрелге чейинки убакытта күтүлүүдө. Бул тууралуу бүгүн брифингде саламаттыкты сактоо министринин орун басары Нурболот Үсөнбаев билдирди.
- Биз даярдык көрүп жатабыз, ооруканалар менен обсервацияларда кошумча орундар даярдалууда, - деп ишендирди ал. - Ошондой эле ӨКМ дагы орундарды уюштурууда.
Брифингдин жүрүшүндө коронавируска чалдыккан бейтаптардын дарылануусу кандай жүрүп жатканы жана дары-дармектер кимдин эсебинен төлөнүн жатканы тууралуу суроо берилди.
- Дарылоо Бүткүл дүйнөлүк саламаттыкты сактоо уюмунун сунушу менен жүргүзүлүп жатат, - деди министрдин орун басары. Бардыгы текшерилип, натыйжалуу экени тастыкталган. Дарылоо мамлекеттин эсебинен каржыланууда, бейтаптар төлөшкөн жок.
Зулайка Эркимбаева
Фото www