Дагы 17. Кыргызстанда жалпысынан СOVID-19 746 адамда катталды
Илдетке жаңы чалдыккандардын арасында үч дарыгер бар
Кыргызстанда коронавирус дагы 17 адамдан аныкталды. Бул тууралуу бүгүн брифингде Саламаттыкты сактоо министрлигининин коомдук саламаттыкты сактоо башкармалыгынын жетекчиси Айнура Акматова билдирди.
Ооруга жаңы чалдыккандардын арасынан үчөө Бишкектен, бирөө Ош шаарынан, Ош облусунда -2, Чүй облусунда - 9 жанан Нарын облусунда - 1 адам. Медициналык кызматкерлерден үчөөнөн вирус табылган. Ошентип, Кыргызстанда коронавирус жуктургандардын жалпы саны 746га жетти.
Бүгүн ооруканалардан 25 бейтап айыгып чыкты. Ооруну жеңип чыккандардын жалпы саны - 462.
Вероника Малышева
Фото www
Бизди Телеграм каналыбыздан окуңуз