ИИМнин башчысы бүгүн түн ичинде Бишкектеги блокпосттор алынарын билдирди
Борбор калаанын коменданты өткөрмө кагаз алуу үчүн берилген бир арызды кароого 30 секундадай эле убакыт кетерине ишенет
Өткөрмө кагаз алуу үчүн бир арыз 30 секунданын ичинде каралат. Бишкектин коменданты Алмаз Орозалиев Жогорку Кеңештин жыйынында ушундай маалымат берди.
Депутат Дастан Бекешев ага чейин борбор калаада блокпосттор качан алынары боюнча суроо узаткан. ИИМнин башчысы Кашкар Жунушалиев блокпосттор бүгүн түн ичинде алынып, кайгуул кызматтары гана каларын билдирди.
Өз кезегинде Бекешев "Анда өткөрмө кагаздардын эмне кереги бар?" деген суроосун узатты.
- Посттор алынса, анда электрондук өткөрмө кагаздын эмне кереги бар? - деди депутат. - Анын баары качан каралып бүтөт? 120 миң жумушка чыгат, алар кантип уруксат кагаз алышат? Буйруктарыңар түшүнүксүз.
Бишкектин коменданты арыздар ыкчам караларын ишенимдүү айтты.
Гулиза Чудубаева
Фото www