Кыргызстанда COVID-19 дагы 14 адамдан чыкты. Жалпы ооругандардын саны 1016га жетти
77 бейтап оор абалда жатат
11-майга карата Кыргызстанда СOVID-19 дагы 14 адамдан аныкталды. Бул тууралуу бүгүнкү брифингде саламаттыкты сактоо министринин орун басары Нурболот Үсөнбаев билдирди.
Алардын ичинен Бишкекте - 6 адам, Чүй облусунда -1, Ош облусунда -2, Баткен облусунда -1, Нарын облусунда -2, Ысык-Көл облусунда -2 адам. Ооруканаларда учурда 316 бейтап дарыланууда, 77си- оор абалда.
Бир сутка ичинде Бишкекте 3 медициналык кызматкердин коронавируска чалдыкканы белгилүү болду. 5 дарыгер ооруканалардан айыгып чыкты.
Өлкө боюнча жалпысынан 235 медициналык кызматкерден COVID-19 аныкталып, алардын 180и ооруну жеңип чыгышты.
Республика боюнча COVID-19 жуктургандардын жалпы саны 1016га жетти.
Гулиза Чудубаева
Фото www
Бизди Телеграм каналыбыздан окуңуз