Кыргызстанда коронавирус дагы эки адамдын өмүрүн алып кетти. Жалпысынан 14 киши көз жумду
Өткөн сутка ичинде СOVID-19 жуктурган 29 жаңы учур катталды
2020-жылдын 15-майына карата Кыргызстанда СOVID-19 жуктурган жаңы 29 учур катталды. Бул тууралуу брифинде саламаттыкты сактоо министринин орун басары Нурболот Үсөнбаев билдирди.
Ооруга жаңы чалдыккандардын арасынан 6 адам Бишкекте, Чүй облусунда - 4, Ош жана Ысык-Көл облустарында бирден бейтап, Жалал-Абад облусунда - 2 жана Нарын облусунда 11 адам.
Жалпысынан бүгүнкү күнгө карата республика боюнча ооругандардын саны 1111ге жетти.
Ошол эле маалда ооруканалардан дагы 10 бейтап чыгарылды. Бишкекте алты жана Ош облусунда 4 адам ооруну жеңип чыкты. Кыргызстан боюнча башынан бери айыгып чыккандардын жалпы саны -745.
Кечээ түндө Нарында коронавирустан 84 жаштагы аял каза болду. Ал эми Республикалык жугуштуу оорулар клиникасында 55 жаштагы эркек көз жумду.
- Көз жумган аял бөйрөк ооруларынан жабыркап келген, көз жумгандан кийин андан алынган анализ коронавирус бар экенин көрсөткөн, - деди Үсөнбаев. - Каза болгон эркек адамдын дагы башка оорулары болгон. Ал реанимацияда жаткан, бирок, өмүрүн сактап калууга мүмкүн болгон жок.
Кыргызстанда коронавирустан жалпысынан 14 адам көз жумду.
Вероника Малышева
Фото www