Кыргызстанда акыркы суткада 52 адамдан коронавирус аныкталды
Алардын ичинен 12си - медициналык кызматкерлер
Кыргызстанда акыркы сутка ичинде СOVID-19 дагы 52 адамдан аныкталды. Бул тууралуу брифингдин жүрүшүндө саламаттыкты сактоо министринин орун басары Нурболот Үсөнбаев билдирди.
Анын айтымында акыркы сутка ичинде 12 медициналык кызматкер коронавирус жуктуруп алганы белгилүү болгон.
- Илдетке жаңы чалдыккандардын арасында Россиядан келген 2 курсант бар, Соль-Илецк шаарынан келгендердин арасынан 8 адамдан табылды, - деди ал. - Ошондой эле Оренбург облусунан кыргызстандыктар кайтарылган. Биринчи анализ алынып, 8 жарандан СOVID-19 чыкты.
Ал ортодо ооруканалардан 28 бейтап айыгып чыкты. Жалпысынан өлкө боюнча 1043 жаран ооруңу жеңип чыкты.
Зулайка Эркимбаева
Фото www
Бизди Телеграм каналыбыздан окуңуз