Акыркы суткада өлкөдө 74 адамдан коронавирус аныкталды
Алардын ичинен 35и Ошто катталган
28-майга карата Кыргызстанда коронавирустук инфекция дагы 74 адамдан аныкталды. Бул тууралуу брифингде саламаттыкты сактоо министринин орун басары Нурболот Үсөнбаев билдирди.
- Бишкекте - 21 учур, анын ичинен 10у Россиядан келген курсанттар, - деди ал. Ошондой эле Чүй облусунда -1, Ош шаарында - 35, Ош облусунда -4, Нарын облусунда -13.
Жалпысынан өлкө боюнча башынан бери коронавируска чалдыккандардын саны 1594кө жетти.
Өткөн суткада Кыргызстанда 23 бейтап COVID-19ду жеңип, ооруканалардан үйлөрүнө чыгышты.
Зулайка Эркимбаева
Фото www
Бизди Телеграм каналыбыздан окуңуз