Кийинки аптадан тарта Кыргызстанда мечит жана чиркөөлөргө барууга уруксат берилет
Диний мекемелерге келгендердин дене табы өлчөнүп, беткап тагынуу эрежесинин сакталышы көзөмөлдөнөт
2020-жылдын 8-июнунан тарта Кыргыз Республикасында диний мекемелерге - мечиттерге, чиркөөлөргө жана намазканаларга барууга коюлган чектөөлөр алынып салынат. Мындай чечимди Республикалык штаб Кыргызстан мусулмандар дин башкармалыгынын жана башка диний мекемелердин өкүлдөрү менен кеңешкенден кийин кабыл алды.
Бул жайларда санитардык чаралардын сакталышын текшерүүнүн жана көзөмөлдөөнүн алгоритми: беткап тагынуу, кире бериштен келгендердин дене табын өлчөө, социалдык аралыкты сактоо камсыз кылынышы керек.
Республикалык штаб өлкө аймагында карантин күчүндө экенин эскертет, ошондуктан жарандар санитардык-гигиеналык нормаларды, анын ичинде коомдук жайларда сөзсүз түрдө беткап тагынууга тийиш.
Өкмөттүн аппаратынын маалыматтык камсыздоо бөлүмү
фото www