Ош базарында COVID-19 аныкталды. Базар карантинге жабылышы мүмкүн
Базарды убактылуу жабуу маселси жакынкы күндөрү мэрияда каралат
Бишкек мэриясында Ош базарын карантинге жабуу маселеси каралууда. Бул тууралуу брифингде борбор калаанын вице-мэри Азиз Алымкулов билдирди.
Анын айтымында базарда коронавирус инфекциясы катталган.
- Орто-Сай базарында да коронавирус катталып, дезинфекцияга жабылган, - деп эске салды ал. - Ош базарында дагы аныкталды деген маалымат түштү. Жакынкы күндөрү убактылуу жабуу туурасында маселе көтөрүлөт.
Буга чейин борбор калаанын мэриясы Орто-Сай базарында дезинфекциялык иштер 13-июнга чейин жүрөрүн маалымдаган.
Зулайка Эркимбаева
Фото www
Бизди Телеграм каналыбыздан окуңуз