Орто-Сай базарына киргендердин дене табын текшере башташты (фото)
Базар буга чейин дезинфекцияга жабылган эле
Орто-Сай базарына кирген кардарлар менен сатуучулардын дене табы текшериле баштады. Бул тууралуу Vesti.kg сайтына күбөлөр билдирди.
Редакцияга ошондой эле базардын кире беришинде антисептикалык каражаттар бар экенин ырастаган сүрөт да жиберишкен.
- Ошондой эле, базарга киргендерден бет кап тагынууну талап кылышууда, - дешти күбөлөр.
Эске салсак, үстүбүздөгү жылдын 9-июнунда Орто-Сай базарынан коронавирус табылып, базар дезинфекцияга жабылган.
Бишкектин вице-мэри Татьяна Кузнецова брифингде бул базарга барып, коронавируска чалдыктык деп кайрылган жарандар болгонун маалымдаган.
Базар 13-июнда кайра иштей баштаган.
Манас Кольбаев
Фото www
Бизди Телеграм каналыбыздан окуңуз