Бүгүн Кыргызстанда 207 адамдан COVID-19 аныкталды
Ош облус аралык ооруканасында дагы бир бейтап көз жумду
Кыргызстанда акыркы сутка ичинде COVID-19 жуктурган жаңы 207 учур катталды. Бул тууралуу брифингде саламаттыкты сактоо министринин орун басары Нурболот Үсөнбаев билдирди.
— Алардын ичинен Бишкекте - 92, Чүй облусунда -35, Ошто -43, Ош облусунда -28, Нарын облусунда -5, Жалал-Абад облусунда -1, Ысык-Көл облусунда -2, Талас облусунда -1 жаран бар, - деди ал. Ош облус аралык ооруканасында 1972-жылы туулган бир бейтап көз жумду. 28 адам айыгып чыкты. Ооруканаларда 624 бейтап дарыланууда, 42си оор абалда, 397 бейтаптын абалы канааттандырарлык.
Медина Купсулдаева
Фото www
Бизди Телеграм каналыбыздан окуңуз