"Мен бул жерде жашагандан корком." Бала чек арадагы көйгөйдү чечип берүү өтүнүчү менен Садыр Жапаровго кайрылды (видео)
Баланын үй-бүлөсү Тажикстан менен чектеш жерде жашайт. Буга чейин алардын үйү өрттөлгөн
Тажикстан менен чек арадагы көйгөйдү чечип берүү өтүнүчү менен кичинекей бала президент Садыр Жапаровго кайрылды. Видео кайрылуу социалдык тармактагы Next TV каналындагы баракчага жарыяланды.
Бала Тажикстан менен чектеш жерде жашоодон коркконун айтат.
- Урматтуу Садыр Жапаров, - деп баштады кичинекей кыргызстандык. - Менин атым Адил. Мен Баткен шаарында, Көк-Таш айылында жашайм. Былтыр биздин үй өрттөлүп кеткен. Бул жерде жашагандан корком. Тажиктер менден эки метр алыстыкта жашашат.
Видеодо Адил чек арадан бир кадам гана алыс жашагандыгын көрсөткөн.
"Биз бул жерде жашагандан коркуп калдык" деп баса белгиледи бала. - Чек ара маселесин чечип беришиңизди суранам.
Канышай Балкыбекова
Видео Next TV