Кыргызстан ЭВФтен 240 миллион доллар алат
ЭВФтин директору бул фонддун өлкөлөр ортосундагы эң ири бөлүштүрүү экенин белгиледи
Кыргызстан Эл аралык валюта фондунан 240 миллион доллар алат. Бул тууралуу ЭВФтин Бишкектеги кеңсесинен билдиришти.
23-августта ЭВФтин директору Кристалина Георгиева 650 миллиард доллар өлчөмүндөгү эң чоң SDR бөлүү күчүнө кирерин жарыялады.
"Атайын карыз алуу укуктары өлкөлөргө ЭВФтеги квоталык үлүштөрүнө жараша бөлүнөт" деди ал. Аз камсыз болгон мамлекеттер болжол менен 21 миллиард доллар алышат.
Ошондой эле, ЭВФтин башчысы бөлүштүрүүнүн пайдасын жогорулатуу үчүн тышкы экономикалык операциялардын туруктуу балансына ээ болгон өлкөлөрдү ыктыярдуу түрдө SDRдин бир бөлүгүн эң муктаж болгон өлкөлөргө жөнөтүүгө чакырды.
Сүрөт www
Бизди Телеграм каналыбыздан окуңуз