Аяз ата мененАяз кыз Бишкек троллейбустарынын жүргүнчүлөрүн куттукташты (фото)
Бул акция борбор калаанын тургундарына жана конокторуна жаңы жылдык маанай тартуулоо максатында мэрия тарабынан башталган
Шаардыктардын баш калаанын троллейбустарындагы сапарын эми Аяз ата жана Аяз кыз коштоп жүрөт.
Мындай акция Бишкек шаарынын тургундарына жана борбор калаанын конокторуна жаңы жылдык маанай тартуулоо максатында муниципалитет тарабынан башталган.
Он биринчи маршруттун троллейбусу биринчи чыкты. Атайын рейсте шаардыктар бийлер, ырлар жана сынактар менен коштолгон жомоктогудай атмосферага сүңгүп кете алышты. Балдар кубануу менен ыр саптарын айтып, таттуу белектерге ээ болушту, ал эми чоң шаар тургундары адаттан тыш жүргүнчүлөр менен эсте каларлык сүрөткө түшүштү.
25-декабрдан тарта жаңы жылдык каармандар автобустун жүргүнчүлөрүнүн көңүлүн көтөрөт.
Белгилей кетсек, жаңы жылдык башкы сыйкырчы жана анын жардамчысы менен майрамдык транспорт 31-декабрга чейин жүрөт.
Бишкек шаарынын мэриясы
Бишкек мэриясынын сүрөтү