Кыргызстандык мугалимдер «Школа без границ»эл аралык сынагынын биринчи этабынын финалына чыгышты
КРдан дагы алты катышуучу өзүнчө номинациялар боюнча сынактын лауреаттары деп жарыяланды
Калыстар тобу биринчи этаптын жыйынтыгын чыгарып, КМШ өлкөлөрүнүн орус тили мугалимдеринин арасында өткөн «Школа без границ» эл аралык педагогикалык идеялардын жана чеберчиликтин сынагынын финалисттерин жана лауреаттарын аныктады.
Биринчи этапта кыргызстандык мугалим Александр Великородный жеңүүчү болду. 12 финалисттин ичинен ал сынактын биринчи этабынын жеңүүчүсү дипломун алат жана 22-24-декабрда Москвада өтө турган экинчи - толук убакыттагы турга катышууга чакырылат.
Кыргызстандан дагы алты катышуучу өзүнчө номинациялар боюнча сынактын лауреаттары деп жарыяланды.
Айнура Абдуваитова, Елена Буряченко, Анаргүл Жолдубаева жана Нургүл Топчубек кызы “Орус тилин окутууга чыгармачылык мамиле жасагандыгы үчүн” номинациясында лауреат болушту. Калыстар тобу бул наамды «Окутуу технологияларын колдонуу чеберчилиги үчүн» номинациясында Ольга Михальскаяга жана «Орус тилин окутууга илимий мамиле жасагандыгы үчүн» номинациясында Елена Боровковага ыйгарышты.
Аналитика, мониторинг, ЖМК менен иштөө бөлүмү
ТОО "АГТ-Казахстан"