Ысык-Көлдө сел жүрүп, үйлөрдү жана дүкөндөрдү каптады (фото)
Табигый кырсыктын кесепеттерин жоюуга ӨКМдин куткаруучулары, атайын техникалар жана айыл өкмөттүн кызматкерлери тартылды
Ысык-Көлдө сел «Эдельвейс» борборундагы үйлөрдү, кафе-дүкөндөрдү каптап, жолдорду бузуп кетти. Бул тууралуу Vesti.kg сайтына Өзгөчө кырдаалдар министрлигинен билдиришти.
«Ысык-Көл районунун Чоң-Сары-Ой айыл аймагынын Өрнөк айылында нөшөрлөп жааган жамгырдан кийин сел жүрдү», - деп билдиришти башкармалыктан окуянын чоо-жайы. - Үч тилкеде селден коргоочу каналды жууп, андан кийин Керимбаев, Жумаев, Турсунбая ата көчөлөрүн суу каптаган. 30 үйдүн короолорун суу каптаган. Мындан тышкары «Эдельвейс» эс алуу борборунун аймагында жайгашкан соода түйүндөрү жана кафелери жабыркаган. Каналдын узундугу 900 метрге жеткен тилкеси, 4800 метр чарба ичиндеги жолдор бузулган. Анын кесепеттерин жоюуга ӨКМдин куткаруучулары, атайын техникалар жана айыл өкмөттүн кызматкерлери тартылган.
Михаил Готфрид
Сүрөт ӨКМ