Баткен облусунда дээрлик 2 миллион сомдук аткезчилик кармалды

27-августтан 28-августка чейин УКМКнын Баткен облусу боюнча башкармалыгынын чек арачылары тарабынан чек арадан мыйзамсыз түрдө товарларды жана күйүүчү-майлоочу майларды ташуу боюнча бир нече фактылар токтотулду.

27-август күнү Лейлек районунун Маргун айыл өкмөтүнө караштуу Беш-Пистан тилкесинде Лейлек чек ара отрядынын чек арачылары тарабынан Кыргыз Республикасынын жараны 1999-жылы туулган Т.Э.нын башкаруусундагы «Мерседес-Бенц Спринтер» үлгүсүндөгү унаа кармалган. .

Жүк ташуучу унааны текшерүү учурунда мыйзамсыз жүк - аялдардын жана балдардын кийимдери, идиш-аяк,  кездемелер, аялдардын аксессуарлары жана уруксаат кагазы жок медициналык буюмдар табылган.

Эртеси, 28-августта «Кадамжай-автодорожный» көзөмөл-өткөрүү пунктунун чек арачылары Кыргызстандан чыгып баратканда Өзбекстандын жараны 1990-жылы туулган М.Д.нын башкаруусундагы «Мерседес-Бенц Actros» жүк ташуучу унаасын кармашкан.

Чек арачылар чиркегичти текшерүү учурунда жашыруун колго жасалган цистернаны (документтин техникалык шарттарында көрсөтүлгөн эмес) аныкташкан, анда айдоочу 5000 литр дизель майын мыйзамсыз алып өтүүгө аракет кылган.

Айдоочу андан ары сатуу үчүн күйүүчү-майлоочу майларды Өзбекстанга алып кетүүгө аракет кылган.

Алдын ала маалыматтар боюнча, кечиктирилген жүктүн жана күйүүчү-майлоочу майдын баасы 1 миллион 885 миң сомдон ашкан.

Эки учурда тең кармалган айдоочулар, унаалар, жүктөр жана күйүүчү майлар кошумча иликтөө иштерин жүргүзүү үчүн компетенттүү органдарга өткөрүлүп берилди.

УКМКнын маалымат кызматы
Сүрөт www