КР УКМК: Чүй электр тармактар ишканасынын башкы инженери ири өлчөмдө пара берүү фактысы боюнча кармалды
Кармалган жарандын кызматка орноштуруу үчүн 350 000 сом сунуштаганы аныкталган
2023-жылдын 31-январында атайын жүргүзүлгөн ыкчам-иликтөө иш-чараларынын негизинде, 350 000 сом акча каражатын пара катары берип жаткан жеринен Чүй электр тармактар ишканасынын башкы инженери Т.М.З. кармалды. Бул тууралуу УКМКнын басма сөз кызматы билдирди.
Т.М.З. Аламүдүн РЭСинин начальниги кызматына дайындоо үчүн Кыргыз Республикасынын Энергетика министрлигинин кызмат адамдарына бир нече жолу акчалай сыйлык түрүндө пара сунуштаганы аныкталган.
Учурда тергөө иштери жүрүп жатат.
Бизди Телеграм каналыбыздан окуңуз