Парламент спикери депутаттардын өлкөдөн чыгуусуна чектөө киргизди
Бул тууралуу ал 31-майда парламенттин жыйынында билдирди
Жогорку Кеңештин төрагасы Нурланбек Шакиев июнь айында депутаттардын чет өлкөгө чыгуусуна чектөө киргизди. Бул тууралуу ал 31-майда парламенттин жыйынында билдирди.
"Маалымат катары айткым келди. Өзүңүздөр билесиздер, парламенттин жайкы каникулга таркашына бир ай гана убакыт калды. Андыктан жемиштүү иштөөңүздөрдү суранам. Өлкө үчүн өтө маанилүү бир нече мыйзам долбоорлору каралууда. Ошондуктан милдеттерин так аткарууну суранам. Андан сырткары баардык чет өлкөгө иш сапарларга чектөө киргизилет, таарынбагыла. 2-3 депутат болгону командировкага чыга алат. Сапарыңарды өзүңөр чектегиле, биз да көзөмөлдөйбүз", - деп спикер депутаттарга кайрылды.
Эске салсак, депутаттар июль-август айларында эс алышат. Алар 1-сентябрда жумушка кайтып келишет.
Фото www
Окшош макалалар
- Депутат: Кыргызстанда капкара кийингендер көбөйду, паранжа кийгендерге тыюу салыш керек
- Садыр Жапаров менен Эмомали Рахмон Чолпон-Атада жолукту (фото)
- Бишкектеги Кыргыз-Азербайжан достук сейил багында этнографиялык фестиваль өттү (фото)
- Быйыл Кыргызстанга 10 миллионго жакын туристтердин келиши күтүлүүдө
- Элдик курултайдын делегаттары ЖК депутаттарына каршы чыгууга даяр