Казакстанда катуу жер титирөө болду. Жер титирөө Кыргызстандын аймагында да сезилди
Алматыда эскертүү системасы иштеп, шаардыктар көчөгө чуркап чыгышты
Бүгүн саат 11:22де Казакстандын аймагында катуу жер титирөө болуп, аны Кыргызстандын аймагында да сезишти.
Жер титирөөнүн очогу Алматыдан 31 чакырым алыстыкта жайгашкан. Магнитудасы - 6,1 баллды түзүп, очогу 10 километр тереңдикте орун алган.
Алматыда күчү 5 баллга жеткен силкинүү сезилди. Жергиликтүү маалымат каражаттары билдиргендей, эскертүү системасы иштеп, шаар тургундары көчөгө чуркап чыгышкан.
Белгилей кетсек, күчү 3 баллга жеткен жер титирөөнү бишкектиктер да сезген.
Бизди Телеграм каналыбыздан окуңуз