Ошто айдоочу эки окуучу кызды зебрадан сүзүп, качып кеткен - Видео
Кылмышкер эртеси күнү кармалды
Ошто жөө адамдар өтүүчү жерден айдоочу эки окуучу кызды сүзүп, кырсык болгон жерден качып кеткен.
Түштүк борбордун ички иштер башкармалыгынан билдиришкендей, окуя 10-апрелде болгон. №23 Панфилов атындагы мектептин 8-классынын окуучулары 14 жаштагы К.А. жана 15 жаштагы М.Д. 8-март көчөсүндөгү жөө адамдар өтүүчү тилкеден жолдон өтүп бара жатышкан. Белгисиз айдоочу Daewoo Matiz унаасы менен аларды сүзүп качып кеткен.
Натыйжада мектеп окуучулары жаракат алып ооруканага жеткирилген.
Шектүү бүгүн, 11-апрелде кармалып, 28 жаштагы К.Н болуп чыкты.Унаа убактылуу кармоочу жайга киргизилди.
Сүрөт ИИМдин басма сөз кызматы
Бизди Телеграм каналыбыздан окуңуз