Газ ишканасынан дээрлик 3 миллион сомдук түтүктөр уурдалган
Милиция кызматкерлери шектүүлөрдү кармашты
Аламүдүн районунда өзгөчө ири өлчөмдө түтүк уурдоого шектүүлөр кармалды.
Чүй ОИИББинин маалыматына ылайык, 13-мартта «Газпром Кыргызстан» ЖЧКсынын жетекчилиги 23-25-февраль күндөрү Мыкан жана Садовое айылдарынын ортосунда талаага көмүлгөн газ түтүктөрүн уурдап кеткен белгисиз адамдарга чара көрүү өтүнүчү менен РИИБге кайрылган. Келтирилген материалдык чыгым 2 миллион 970 миң сомду түздү.
Уурулук фактысы боюнча кылмыш иши козголгон.
Кылмышка шектүү катары 1986-жылы туулган Х.Р., 1981-жылы туулган Ы.Д. кармалышты. Экөө тең убактылуу кармоочу жайга киргизилди.
Кармалгандардан уурдалган түтүктөрдүн бир бөлүгү табылды. Учурда тергөө иштери уланууда.
Сүрөт: Борбордук ички иштер башкармалыгынын басма сөз кызматы