УКМК Чолпон-Атадагы "Жетиген" базарынын директорун кармады - Видео
Ал өзгөчө ири өлчөмдөгү алдамчылыкка шектелүүдө
Чолпон-Ата шаарында «Курортторг жетиген» ААКнын («Жетиген» базары) директору кармалганын УКМК билдирди.
Башкармалыктын маалыматы боюнча, «Курортторг Жетиген» ААКнын акционерлери жана жетекчилиги тарабынан мыйзамсыз финансылык-чарбалык ишмердүүлүк фактылары аныкталган, алар узак убакыт бою алынган кирешелердин реалдуу көлөмүн жашырып, ошондой эле ишкерлерден Ысык-Көл областындагы ар кандай долбоорлорду каржылоого шылтоолоп мыйзамсыз акча өндүрүп алууларды жүргүзүшкөн.
Аталган факты боюнча КРнын Кылмыш-жаза кодексинин 209-беренеси (өзгөчө ири өлчөмдөгү алдамчылык) менен кылмыш иши козголду.
Шектүү катары Чолпон-Ата шаарындагы «Жетиген» базарынын, «Курортторг Жетиген» ААКсынын акционери жана ошол эле учурда директору Кыргыз Республикасынын жараны Б.Л.Д. кармалды. Учурда тергөө иштери уланууда.
Сүрөт УКМКнын басма сөз кызматы