Куту каймана аттуу уюшкан кылмыштуу топтун мүчөсү Кара-Суу шаарынын тургунун 1 миллион 400 миң сомуна алдап кеткен
Ага карата алдамчылык беренеси боюнча иш козголгон
Кара-Суу районунда алдамчылыкка шектелген уюшкан кылмыштуу топтун мүчөсү кармалды.
ИИМдин басма сөз кызматынын маалыматына караганда, май айында Кара-Суу районунун тургуну милицияга кайрылып, 2022-жылдын жай айларында Сарай айыл аймагынан жер тилкесин берүүнү убада кылып, Куту аттуу жаран 1 миллион 440 миң сомун алып кеткендигин билдирген. Бирок ал убадасын аткарбай, качып кеткен.
Аталган факты боюнча КРнын Кылмыш-жаза кодексинин 209-беренеси «Алдамчылык» боюнча кылмыш иши козголгон.
Шектүүнүн өздүгү такталып, ал уюшкан кылмыштуу топтун мүчөсү катары ИИМдин каттоосунда турган Кара-Суу районунун 1983-жылы туулган М.К. болуп чыкты.
Ал 30-майда кармалды. Учурда тергөө иштери уланууда.
Сүрөт ИИМдин басма сөз кызматы