Майлуу-Сууга жакын жердеги мунай сактоочу жайдан өрт чыкты - фото
Өрттүн келип чыгуу себептери жана келтирилген чыгым такталууда
Майлуу-Суу шаарына жакын Көк-Таш айыл аймагынын Катыраңкы участкасында “Кыргызнефтегаз” ААКнын мунай сактоочу жайынан өрт чыкканын ӨКМ билдирди.
Өрт тууралуу маалымат бир күн мурун, 6-майда саат 15.52де келип түшкөн. Өрттү өчүрүүгө Майлуу-Суу шаардык №83 өрт-куткаруу бөлүмүнөн 1 бригада жана «Кыргызнефтегаз» ААКтан 1 бригада тартылган.
Учурда өрттүн келип чыгуу себептери жана келтирилген материалдык чыгым такталууда.
Алдын ала маалымат боюнча, жабыркагандар жок.
Сүрөт ӨКМдин басма сөз кызматы
Бизди Телеграм каналыбыздан окуңуз