Ишкер Чоң-Алайда көмүр казууну чечкен, бирок жергиликтүүлөр андан 10 миллион талап кылышкан (видео)
44 миң доллардан ашык акча алып жаткан эки адам кармалды
Ош облусунун Чоң-Алай районунда ишкерден 10 миллион сом талап кылган деп шектелгендер кармалганын Ички иштер министрлиги билдирди.
Ведомстводон билдиришкендей, жеке ишкер милицияга кайрылып, Карамык айылында көмүр казып баштаганын билдирген. Андан кийин ага кишилер келип, 10 миллион сом бербесеңер иштетпейбиз деп коркута башташкан.
Бул факты боюнча кылмыш иши козголду.
44 миң 400 доллар алып жаткан жеринен жергиликтүү тургундар А.Ж жана Т.З кармалып, убактылуу кармоочу жайга киргизилди.
Сүрөт: www
Бизди Телеграм каналыбыздан окуңуз