Милициянын майору Бакытбек Максутов: Балдарды куткаруу үчүн өмүрүн тобокелге салган баатыр

Кун мурун 17-ноябрь күнү, Ысык-Көл районунун Бостери айылында болгон окуя экстремалдык кырдаалда үлгү боло турган иш-аракеттердин бири катары эскерилди. Бостери айылынын айылдык милиция бөлүмчөсүнүн нөөмөтчүсү, милициянын майору Бакытбек Максутов өртөнүп жаткан көп кабаттуу үйдөн жашы жете элек эки баланы куткаруу учурунда эрдик жана ыкчамдыкты көрсөткөн.

Күндүз, саат 11:30 чамасында, айылдагы көп кабаттуу үйлөрдүн биринен өрт чыккан. Төртүнчү кабаттагы батирди жалын каптап, тез эле балконго жайылган. Милициянын майору Бакытбек Максутов тажрыйбалуу офицер катары коюу түтүндү дароо байкап, жардам сураган балдардын кыйкырыктары угуп калган.

Эч ойлонбостон, ал жерге шашылды. Ал менен бирге эки жергиликтүү тургун да өрттү көздөй жөнөштү. Алар дароо батирге киришип, анда эки бала болгон, алардын кичинекейи төрт жашта экен.

Түтүн жана жалын батирге кирүүнү кыйындатып, бирок Бакытбек Максутов убакытты текке кетирбей, тажрыйбасына таянып ырааттуу аракеттерди жасаган. Алар өз өмүрүн тобокелге салып балдарды түтүн жана от арасынан коопсуз жайга алып чыгышкан.

Куткарылган балдар стресске кабылган болсо да, бактыга жараша физикалык жактан жабыркаган эмес. Бакытбек Максутов балдардын коопсуздугуна көзү жеткенден кийин, өрт өчүрүүчүлөрдү чакырган. Алдын ала маалыматтар боюнча, өрткө электр туташуусу себеп болгон.

Куткарылган балдардын ата-энелери чексиз ыраазычылыктарын билдиришип, алар Бакытбек Максутовго жана анын жардамчыларына ушул оор учурда көрсөткөн баатырдыгы жана жан аябастыгы үчүн чын жүрөктөн ыраазычылык билдиришти.

Бул окуя, биринчи кезекте, техникалык көндүмдөр жана билимдер гана эмес, ар бир секунддун салмагы алтынга барабар болгон стресстүү шартта туура чечим кабыл алуу канчалык маанилүү экендигинин айкын мисалы болду. Бакытбек Максутовдун ыкчам аракети, тажрыйбасы жана чечкиндүүлүгү балдарды куткарууда чечүүчү ролду ойноду. Бул формачан адамдар жөн гана буйрук аткаруучулар эмес, жарандардын өмүрүн жана ден соолугун коргоого даяр чыныгы коргоочулар экендигинин далили.

Окуя Ысык-Көл РИИБдин МЭЖне катталып, тергөөгө чейинки териштирүү иштери башталды.

Майор Максутов жана анын жардамчылары чыныгы баатыр болуп калышты. Алардын үлгүсү көпчүлүктү жөн гана байкоо жүргүзүү эмес, иш-аракет кылуу маанилүү болгон учурларда кайдыгер болбоого шыктандырат.