"Вефадагы" кафеден өрт чыгып, адамдар эвакуацияланды
Соода борбордон 150дөй адам эвакуацияланган. Жабыркагандар жок
Бишкектеги "Вефа" соода борборунда чыккан өрт чектөөгө алынып, өчүрүлдү. Бул тууралуу ӨКМдин басма сөз кызматы кабарлады.
Маалыматка ылайык, аталган жайдын 3-кабатында жайгашкан "Oz Huzur Sukuret" кафесинен өрт чыккан. Өрттү өчүрүүгө саат 10:17де Өзгөчө кырдаалдар министрлигинен 2 бөлүм жана 1 автошаты тартылган.
"Кафенин аба сордургучунан чыккан өрт саат 10:46да чектөөгө алынып, саат 10:52де толук өчүрүлдү. Өрттүн жалпы аянты болжол менен 15 чарчы метр. Соода борбордон 150дөй адам эвакуацияланган. Жабыркагандар жок" - деп билдирди ӨКМ.
Бизди Телеграм каналыбыздан окуңуз