«Күйөө бала» 15 жашар кызды үйлөнөм деп ала качып, зордуктап салган
Ала качкан жигитке карата 3 кылмыш иши козголду. Аны Жайыл райондук УКИ киргизишти
15 жашар мектеп окуучусун турмуш куруу максатында ала качып, зордуктап салган. Бул тууралуу Vesti.kg сайтына Чүй областтык ШИИБ пресс-кызматы билдирди.
Укук коргоочулардын берген маалыматы боюнча, окуя 6-июлда Чүй облусунун Жайыл районуна караштуу Степное айылында болгон.
2018-жылдын 7-июлунда жаш кыздын атасы милицияга арыз менен кайрылган, - деп билдиришти милициядагылар.
- Ыкчам топ токтоосуз чыгып, изи сууй электе 23 жаштагы Ш.У. кармашты. Ала качкан жигит тарабынан кыз зордукталгандыгы аныкталды.
Болбой калган күйөө балага карата үч кылмыш иши козголду: КР КК 29 (Зордуктоо), 154 ( жашы жете элек кызга үйлөнүү) жана 125 ( Эркинен тышкары кармоо).
- Бардык зарыл болгон экспертизалар жүргүзүлдү. Кылмышка шектүү убактылуу кармоочу изоляторго киргизилди, - деп бүтүрдү областтык ИИМБ.
Зулайка Эркимбаева
Сүрөт www