Чиновниктер баланы 5-кабаттан сунган кишини издеп жатышат
Укук коргоочулар жана социалдык кызматтын өкүлдөрү көрсөтүлгөн даректи көздөй жөнөп кетишти
Бишкекте 5-кабаттын терезесинен эмчектеги баланы сунуп ойногон кишини издеп жатышат. Бул тууралуу Бишкектин мэриясынын пресс-кызматы билдирди.
Мекеменин маалыматы боюнча, адистер көрсөтүлгөн даректи көздөй жөнөп кетишти.
- Жашы жете элек балдардын укугун коргоо маселеси ыйгарым укуктуу органдын өкүлдөрү видеодогу аты жөнү такталган эркектин дарегин көздөй чыгып кетишти, - деп айтылат билдирүүдө.
Ошондой эле ал кишиге түшүндүрүү иштери жүргүзүлөөрү белгиленди.
Эске салсак, мурдараак Vesti.kg сайтына Instagramдагы видеодо бир эркек терезеден баланы чыгарып алып ары-бери кылып жаткандыгын жазышкан эле.
Окуянын күбөлөрү бул нерсе Герцен көчөсүнүн 49-үйүндө болгондугун айтышкан.
Зулайка Эркимбаева
Сүрөт www