Москвада Кыргызстандан келгендерге кол салган маньяк кармалды
Студент мигранттарга кол салууну өнөкөт кылып алган
Москванын жака белиндеги Орехово-Зуево шаарында 17 жаштагы Николай Шакиров кармалды. Ал Кыргызстандан келген мигрантты өлтүрүүгө шектелип жатат жана анын мекендешинин денесине оор жаракат келтирген, деп билдирет телеграм-канал Mash.
«Коля Шакиров Орехово-Зуево шаарынын кадимки эле тургуну - апасы менен турат, ошол жердеги колледжде окуйт. Бир мезгилден тартып анын башына киши өлтүрүү тууралуу ой келип, ошондон бери бул жолго түшүп кетти. Үчтүн айынын жыйырма экисинде полиция анын биринчи курмандыгы - Кыргызстандан келген мигранттын денесинин бардык жерине бычак сайылган өлүгүн тапты», – деп билдирет булак.
Бирдин айында да бул нерсе уланды. Бирдин айынын тогузунда кечкурун, ал Гольяново районунда өзүнүн адаттагы чабуулун дагы бир кыргызстандыкка жасады. Каналдын маалыматы боюнча, анын экинчи курмандыгы болгон өспүрүм кутулуп кеткенге мүкүнчүлүк болгон, Кыргызстандын жаранын ооруканага жаткырышты. Анын денеси сайылган жана кескиленген, жигит көп кан жоготкон.
Андан төрт күн өткөн соң, бирдин айынын он үчүндө, Шакиров дагы бир кол салуу кылды. Бул жолу да Кыргызстандын жаранына кол салган. Бирок, ЖМК маалыматына караганда жабырлануучу тирүү калган.
«Катары менен кол салуулар полициянын көңүлүн өзүнө буруп, иликтөө башталды. Бирдин айынын он бешинде Москвадан “Серп и Молот” темир жол платформасынан Шакировду кармашты. Ал баарын мойнуна алды, кылмыштын өңүтү аныкталып жатат», - деп белгилейт Mash.
Булак
Сүрөт www