Токмокто турмушка чыгууга ата-энесинен макулдук ала албаган кыз сүйгөнүнөн аны ала качып кетүүсүн суранган

Кечээ Токмокто жаш улан-кыз «ала-качуу» салтын уюштурушкан. Бул тууралуу Vesti.kg сайтына укук коргоо органдарынан маалымдашты.

- Кечээ кыздын уурдалганы жөнүндө маалымат түшкөн, - дейт өздүк булак. - Дароо ыкчам-издөө иш-чаралары башталып, бир-эки сааттан кийин кыз милиция кызматкерлери тарабынан табылган. Бирок, табылган кыз ал жерден ата-энеси сүлөшкөн жигитине турмушка чыгууга макулдук бербей коюшкандыктан, жигити экөө атайын ала качуу уюштурушкандыгын айтып берген. Ата-энесинин бул тууралуу кабары жок болгон.
Муну менен бирге жаштар никесин кыйышканы, бүгүн алардын үйлөнүү үлпөт тою өтөөрү белгилүү болду.

- Милиция бөлүмүндө жаштардын эрезеге жеткени документалдык жактан аныкталды, - деп белгилешет укук коргоо органдары. - Мындан улам алар өздөрү үйлөнүүнү чечишкен. Ата-энелери балдарынын үйлөнүшүнө эч кандай тоскоолдук кыла алышмак эмес, анткени, бул үчүн кылмыш жоопкерчилиги каралган. Жаштардын никеси кыйылыптыр, бүгүн баланын үйүндө үйлөнүү тою өтөт экен.

Фото www