Казакстандын Уюшкан кылмыштуу тобу адамдардын органдарын мыйзамсыз алмаштырууга Кыргызстандан донорлорду тартып келишкен

Казакстанда уюшкан кылмыштуу топтун мүчөлөрү адамдардын органдарын мыйзамсыз алмаштыруу менен алектенишкен. Бул тууралуу «Tengrinews.kz» МА маалымдайт.

Казакстандын ИИМнин Криминалдык полиция департаментинин башчысы Арманбек Баймурзиндин маалыматына ылайык, 2019-жылы адамдарды сатуу боюнча 141 кылмыш иши, анын ичинде 59у адамдардын органдары жана терисин сатуу боюнча козголгон.

«Казакстанда медицина акыркы жылдары адамдардын органдарын көчүрүү жаатында абдан чоң жетишкендиктерге жетишкен. Муну тез жана оңой акча табуу арам ойлорго ээ уюшкан кылмыштуулук дагы көз жаздымда калтырган эмес. Үстүбүздөгү жылы 2017-жылдан бери Казакстанда адамдардын органдарын сатууга байланышкан мыйзамсыз иш-аракеттерди уюштурган эл аралык кылмыштуу топтун ишмердүүлүгү токтотулган. Медициналык кызматкерлердин катышуусу менен органдарды көчүрүү боюнча мыйзамсыз 57 операция жасалган», - деп маалымдаган Баймурзин.

Кримполиция департаментинин башчысы донорлор Кыргызстандан, Украинадан, Өзбекстандан, реципиенттер Израилдин жарандарынан турганын белгиледи.

«Андан соң бөйрөк алмаштыруу боюнча операциялар жасалган. Учурда тергөө жүрүп жатат. Алдын ала уюштуруучулар 10 миллион доллар өлчөмүндө кылмыштуу пайда табышканы аныкталууда. Кылмышкерлер менен медициналык кызматкерлердин бетпактыгы ушуга жейин жетиптир, алар өз арасында донорлорду «эт» деп аташкан. ИИМнин департаменинин башчысынын айтымында, органдары көчүрүлгөн адамдар тирүү,бирок, Израилдин жараны ВИЧ-инфекциясын жугузуп алган учур болгон. Бул топтун катышуучуларынын бири Словенияда кармалган, экстрадиция маселеси талкууланып жатат», - деди Арманбек Баймурзин.

Булак
Фото www