Ошто милиция кызматкерлери 64 кылмышты жаап-жашырып койгон
Аталган фактылар прокуратура тарабынан аныкталган. Тергөөнү «Финпол» жүргүзөт
Ош ИИБнын кызматкерлери үстүбүздөгү жылдын 8 айынын ичинде Кылмыштардын жана жоруктардын бирдиктүү реестрине 64 материалды киргизбей коюшкан. Бул тууралуу Vesti.kg сайтына Башкы прокуратурада кабарлашты.
- Шаардык прокуратура кылмыштардын жана жоруктардын борбордук каттоосунан жашыруу фактыларын аныктоо боюнча текшерүү жүргүзгөн, - деп такташты көзөмөл органында. Анын жыйынтыгында, укук коргоо органдары реестрге 64 материалды киргизбей коюшканы аныкталган. Алардын арасында кийин чара көрүлүүгө тийиш болгон бузуулар да бар.
- Аталган фактылар Кылмыштардын жана жоруктардын бирдиктүү реестринде КРнын КЖКнин 331-беренесинин 1-бөлүгү (Шалаакылык») жана 320-б. 1-б. («Кызмат абалынан кыянаттык менен пайдалануу») боюнча катталды. Тергөөнү Ош жана Ош облусу боюнча ЭКККМК жүргүзөт.
Вероника Малышева
Фото www